Disa banorë të një lagjeje në Vushtrri janë të shqetësuar nga një betoniere që kryen aktivitetin e saj në këtë zonë,shkruan OnAir.
Për “RTV Dukagjini” banorët tregojnë se për shkak të ndotjes së madhe që shkaktohet prej saj, banorët janë të detyruar që të mbajnë dritaret e shtëpive të tyre gjithnjë të mbyllura. Gjithashtu ata ankohen edhe për zhurmën e madhe që kjo betoniere shkakton gjatë natës.
Banorët thonë se kanë dërguar një peticion për largimin e saj nga zona, por kjo kërkesë e tyre nuk është marrë parasysh nga komuna dhe ministria e mjedisit
Ndërkohë ministria e mjedisit thotë se para se të fillonte aktivitetin e saj, kjo firmë ka marrë pëlqimin e ministrisë dhe aktulisht ka leje për të zhvilluar këtë aktivitet.
