Një herë e një kohë Tea dhe Shqipja dukeshin se ishin armike të përbetuara, shkruan OnAir.
Të gjithë i mbajmë mend debatet e tyre të ashpra në studion e emisionit “Përputhen”. Këto debate më pas u transferuan në thumbime në rrjetet sociale pas largimit të Shqipes nga programi.
Marrdhënia e vajzave vazhdoi të ishte e tillë deri në momentin që të dyja ishin të ftuara në një nga puntatat e fundit të programit ku patën një përballje për të sqaruar keqkuptimet.
Tashmë që programi ka përfunduar duket se vajzat jo vetëm që kanë bërë paqe me njëra-tjetrën, por gjithashtu janë kthyer në mikesha mjaft të mira. Këtë miqësi si duket nuk ngurrojnë ta shfaqin as në rrjete sociale. Në postimin më të fundit të Teas në Instagram, njëri nga komentet që bie më shumë në sy është pikërisht ai i Shqipes.
“Kush do jetë fatlumi që do marrë gjithë këtë bukuri?” ka komentuar ajo duke e shoqëruar me një emoji me sytë me zemra.
Ndonëse kjo shoqëri e vajzave mund të na habisë, kujtojmë se ato në fillim në fakt kanë shkuar mjaft mirë me njëra-tjetrën e madje shpesh kanë dalë edhe në kafe së bashku. Duket se tashmë që vajzat kanë sqaruar çdo gjë, shoqëria e tyre mund të vazhdojë pa problem.
