Numri i veteranëve të luftës nuk është më i madh se sa ai që ka qenë në shtatorin e vitit 1999. Madje shifra me mbi 40 mijë është enorme dhe nuk ka mundësi që të jetë ajo.
Kështu tha kryetari i Kuvendit të Kosovës në një intervistë për KosovaPress ku ka folur për listat qe veteranëvë për të cilën së fundi është ngritur edhe aktakuzë për 12 persona
Veseli thotë se ai u beson atyre të cilët kanë pasur përgjegjësi komanduese dhe se nuk dëshiron të flas me numra.
Kryetari i Kuvendit thotë se tema e statusit të luftëtarit të lirisë nuk duhet të bëhet temë dhe mos të abuzohet. Sipas tij Ushtria Çlirimtare e Kosovës dhe luftëtarët e lirisë janë pjesa më e shenjtë e sakrificës sublime të popullit të Kosovës.
Sipas tij Ushtria Çlirimtare të Kosovës, nuk mund të shikohet pa popullin, ndërkohë që ka një porosi për luftëtarët e vërtetë por edhe për manipuluesit.
Veseli: Ata të cilët kanë abuzuar do ta marrin përgjigjen e merituar
Së fundi prokuroria Speciale ka ngritur aktakuzë për 12 persona, anëtarë të komisionit qeveritar për të verifikuar statusin e veteranëve, ku në mesin e tyre ka edhe ministra si dhe ish komandanti i UÇK-së Agim Çeku.