Kryetarja e Kuvendit, njëherësh nënkryetarja e LDK-së, Vjosa Osmani ka reaguar lidhur me numrin e madh të të infektuarve me COVID-19 gjatë 24 orëve të fundit.
Osmani tha se ky numër tregon fuqinë e armikut të padukshëm, dëshmon se ne sikur thonë profesionistët shëndetësorë, i japim këmbë atij, ia bartim tjetrit dhe beteja ndaj tij do të jetë e gjatë dhe e dhimbshme
Osmani porositi që të bëhemi bashkë për ta ndaluar atë, për të shpëtuar jetë dhe se vetëm duke ndjenjur në shtëpi e duke i ndjekur udhëzimet e profesionistëve, mund ta fitojmë atë.
Postimi i plotë:
24-orëshi i fundit shënoi numrin më të madh të të infektuarve të konfirmuar me Covid-19, gjithsej 79. Ky numër tregon fuqinë e armikut të padukshëm, dëshmon se, nëse ne, sikur thonë profesionistët shëndetësorë, ne i japim këmbë atij, ia bartim atë tjetrit, beteja ndaj tij do të jetë e gjatë dhe e dhimbshme. Prandaj, të bëhemi të gjithë bashkë për ta ndalur atë, për të shpëtuar jetët tona e të të dashurve tanë; t’i kufizojmë liritë tona sot që t’i gëzojmë përherë pastaj; ta kuptojmë se fatin e betejës e kemi në duart tona dhe se vetëm duke qëndruar në shtëpi dhe duke i ndjekur udhëzimet e profesionistëve, mund ta
fitojmë atë.
Së bashku mund t’ia dalim!
#Rrinshpi
#ShpëtoJetë
