Në emisionin “Studio A” të transmetuar në “ATV”, me anë të një lidhjeje ishte i ftuar një personazh mjaft karizmatik dhe pozitiv, shkruan OnAir.
Ai quhet Toni, ose siç njihet ndryshe në rrjete sociale “Toni Picajoli”. Toni është pronar i një picerie mjaft të frekuentar në Gjermani. Ai gjithashtu punon vetë në këtë piceri dhe merret me përgatitjen e picave. Një element që bie në sy te ai është mbajtja e një qeleshje, një simbol i veshjeve folklorike të disa zonave me popullsi shqiptare. Toni është nga ata persona që pavarësisht çdo gjëje nuk e mohon kurrë identitetin e tij shqiptar.
Në këtë intervistë ai ndau me teleshikuesit eksperiencën e tij të punës dhe gjithashtu se si e ka filluar çdo gjë. Piceria e Tonit dhe vetë ai, janë bërë popullor në rrjetet e ndryshme sociale. Sipas Tonit, pikërisht ky element është ajo që ka bërë të mundur suksesin e biznesit të tij.
Toni e mbyll intervistën e tij duke thënë se ka në plan që gjatë verës të vizitojë edhe disa qytete në Kosovë.