Edhe një herë e bëri të qartë qëndrimin e tij sa i përket ndryshimit të kufijve.
Shefi i ekzekutivit, Ramush Haradinaj ka thënë se loja me kufijtë është eksperiment i rrezikshëm.
Ai bëri të ditur se Qeveria që ai e drejton është e para që ka mbështetur fuqishëm Luginën e Preshevës, por ka theksuar se çka do që shkon përtej kësaj kërkon shumë kujdes.
Kreu i Qeverisë tha se çështja e demarkacionit me Malin e Zi nuk është përngut.
E primare për të mbetet liberalizimi i vizave për kosovaret.
E në lidhje me dështimin e seancave të Kuvendit të Kosovës për zgjedhjen e kryesuesit të ekipit në negociatat me Serbi, Haradinaj mbetet me shpresë se opozita të ndryshojë mendje dhe të mbështes Fatmir Limajn për të udhëhequr ekipin.
Ndryshe, pas deklaratës së presidentit Hashim Thaçi se Kosova nuk e ka vetëm presidentin për të vizituar Luginën e Preshevës, Haradinaj dha përgjigje nëse do ta vizitojë këtë të fundit.
“Si Ramush Haradinaj ndoshta po, si kryeministër nuk e di”, u përgjigj ai.
Krejt në fund, Haradinaj apeloi mediat që të mbajnë temë aktuale çështjen e liberalizimit të vizave, që sipas tij është ndër çështjet më të rëndësishme për vendin.
Për më shumë ndiqeni kronikën në vazhdim:
