Ditën e djeshme në Bruksel u zhvillua takimi ndërmjet Albin Kurtit dhe Aleksandër Vuçiç në kuadër të procesit të dialogut midis Kosovës dhe Serbisë, shkruan OnAir.
Për këtë ngjarje u diskutua në studion e emisionit “Rubikon”, ku deputetja e LVV Arbreshë Kryeziu ishte pjesë e panelit të të ftuarve. Gjatë deklaratës së saj ajo u shpreh se ashtu siç e ka përmëndur kryeministri Kurti, njohja e Kosovës nga Serbia është gjëja e parë që duhet të ndodhë. Sipas saj nëse kjo gjë nuk ndodh, atëherë nuk mund të diskutohet për tema të tjera.
Kryeziu thotë se edhe takimet e radhës do të jenë të njëjtë. Kjo pasi kërkesat e Kosovës janë mjaft të qarta.
